Suliarineqartartut
Eqqartuussissuserisoqarfik Malling & Hansen Damm suliffeqarfinnut nunatsinni, Qallunaat Nunaanni nunanilu allaneersunut, pisortaqarfinnut, kattuffinnut, ingerlatseqatigiiffinnut, aningaasaateqarfinnut, peqatigiiffinnut inunnullu ataasiakkaanut inatsisilerinerup tungaatigut siunnersuisartuullutillu kiffartuussisartuupput.
Eqqartuussissuserisut advokatfuldmægtigillu Malling & Hansen Damm-imi sulisut tamarmik inuussutissarsiornikkut inatsisilerinernik naliginnaasunik kiffartuussisinnaapput.
Inuit ataasiakkaat inuussutissarsiutinillu ingerlatsisut siunnersorsinnaavagut, taamatullu pinerluuteqarsimanernut tunngasunik suliaqartarluta.
Inuussutissarsiornikkut inatsisilerinermut atatillugu makku taaneqarsinnaapput:
- Sanaartornermut inatsisit
- Unammillernerit piukkunnartussarsiornerillu
- Pisortani inatsisit, taamatullu ingerlatsinermut inatsisit
- Pilersaarusiornernut inatsisit
- Uuliasiornermut aatsitassarsiornermullu atatillugu misissueqqaarnerit
- Atorfinitsitsinermut sulinermullu inatsisit
- Sillimmasiinermut taarsiivigisitsinermullu inatsisit
- Inatsisit akiliisinnaajunnaarnermut tunngasut
- Akiliisitsiniarnermut tunngasut suugaluartulluunniit
- Nunatsinni Qallunaat Nunaannilu ingerlatseqatigiiffimmik suugaluartumillunniit aallarniiniarnerit, saniatigullu ataavartumik siunnersuinerit
- Illunik inissianillu attartortunut, piginnittunut piginneqatigiilluniluunniit peqatigiiffinnut siunnersuinerit oqaaseqartartussaanerillu.
Inuit ataasiakkaat pineqarnerini makku taaneqarsinnaapput:
- Illumik inissiamilluunniit pisinerni tunisinernilu siunnersuinerit aaqqissuussinerillu
- Illut pigisat pillugit eqqartuussivikkoortitsinerit
- Inunnut ataasiakkaanut, ilaqutariinnut, kingornussisussaatitaanernut, taamatullu aappariinnermut tunngasunut, pigisanik avitseqatigiinnernut, angajoqqaat qitornaminnik tigummisinnaanerinut, aappariinnermi isumaqatigiissutinut, kingornussassialiornernut il.il. suliassat tamarmik
- Toqusup qimataanut atatillugu suliassat suugaluartulluun-niit
- Suliassat pinerluttuliornernut tunngasut suugaluartulluun-niit.
Saniatigut eqqartuussissuserisut akeqanngitsumik siunersuisartuupput. Inatsiseqarnikkut apeqqutit ajornartorsiutillu pillugit al-laffimmi eqqartuussissuserisumut saaffiginninnissamut kinaluunniit tikilluaqqusaavoq.