X
GO
en-USda-DKkl-GL
Tikilluarit

Eqqartuussissuserisoqarfimmut Malling & Hansen Dammimut tikilluarit

Eqqartuussissuserisoqarfik 1988-imi pilersinneqarpoq, nunatsin-nilu eqqartuussissuserisut suliffeqarfiini annersaalluni.

Eqqartuussissuserisoqarfik Malling & Hansen Damm nunatsinni eqqartuussissuserisut suliffeqarfiattut ilisimaneqarpoq eqqartuussissulerisunut ileqquusut naapertorlugit ingerlatsisutut, tassanilu pisarnertut eqqartuussissuserisut akornanni pikkoriffigisat, tassaasut innarligassaanngissuseq, suleqatigiilluarneq suliassallu pitsaassusaat pingaartinneqarlutik. Eqqartuussissuserisut suliffeqarfiattut pitsaanerpaatut inissisimasutut inatsisitigut atorsinnaasumik siunnersuisarnissarput anguniartuarparput.

Eqqartuussissuserisoqarfik Malling & Hansen Damm tassaavoq sutigut tamatigut sullissisinnaasoq. Nuummi inissisimavugut, tassanilu nunatsinni ingerlatseqatigiiffinnut kalaallinit, qallunaanit allamiunillu ingerlanneqartunut, pisortaqarfinnut, kommuuninut, peqatigiiffinnut, aningaasaateqarfinnut kiisalu inunnut ataasiakkaanut inatsisilerinikkut kiffartuussinermik neqerooruteqarpugut. 

Eqqartuussissuserisoqarfik Malling & Hansen Damm Højesteret-imi, Østre Landsret-imi, Kalaallit Nunaata Eqqartuussisuuneqarfia, Kalaallit Nunaanni Eqqartuussivik taamatullu nunap immikkoortuini eqqartuussivinni, Qallunaat Nunaanni illoqarfikkaartumik eqqartuussivinni isumaqatigiissitsiniarnermullu eqqartuussivinni, tassungalu atatillugu Danmarkimi isumaqatigiissitsiniarnermi eqqartuussivinni aalajangersimasuni kiisalu nunatsinni Danmarkimilu isumaqatigiissitsiniarnermi eqqartuussivinni pisariaqartitsinikkut pilersinneqartuni suliassat suliarisarlugit.  

Inatsit naapertorlugu eqqartuussissuserisoqarfiup Det danske Advokatsamfund-imi ilaasortaanerata saniatigut soqutigisaqaqatigiiffinnut arlaannaannulluuniit ilaasortaanngilaq, tassunga ilaapput sulisitsisutut peqatigiiffiit kiisalu eqqartuussissuserisut peqatigiiffiit.